පරණ ඩයරියක ලියලා තිබුනා.....

බස් එකේ ඉඳගෙන

ජනේලයෙන් එලිය බලාගෙන

සිතිවිලි වල කිමිදෙමින් ඉන්නකොට

මට

ඇසිපිය ගහන සැනින්

ඇයව මතක් වුනා....

විදුලියක් වගේ

හැමදාම

හිත ඇතුලෙ

දඟ දාපු පැණය

ආයෙත්...

"මම ඇයට ආදරේද?"

බස් එකෙන් එලියේ

පහුවෙවී යන

නොයෙක් දේවල්,

මිනිස්සු,

නොපෙනිලා ගිහින්

ඇගේ රූපය පමණක් ඉතිරිවෙලා

යලි යලිත්

ඒ පැණය

වද කලා....

"මම ඇයට ආදරේද?"

බස් එකෙන් බහිනකොටවත්

උත්තරයක්

ලැබී තිබුනේ නෑ...

බැහැලා

පාර දිගේ ඇවිදගෙන යද්දී...

පාර පුරා

ඇහැළ මල්

වැටිලා තිබුනා....

මා යන පාර දිගට

සිසිල් සුලං රැළි

එකින් එක මල් පොකුරු

බිමට හලමින් තිබුනා....